اسٹاک مارکیٹ ایک لاکھ 3 ہزار پوائنٹس کی حد عبور کر گیا

کراچی: پاکستان اسٹاک ایکسچینج (پی ایس ایکس) 100 انڈیکس ایک لاکھ 3 ہزار 62 پوائنٹس پر ٹریڈ کر رہا ہے۔

کاروباری ہفتے کے پہلے روز کاروبار کے آغاز سے ہی پاکستان اسٹاک ایکسچینج 100 انڈیکس میں مثبت تیزی دیکھی جا رہی ہے اور ایک موقع پر 100 انڈیکس 1800 پوائنٹس اضافے سے ایک لاکھ 3 ہزار 62 پوائنٹس پر ٹریڈ کرتے دیکھا گیا ہے۔

مزید پڑھیں:پاکستان اسٹاک مارکیٹ نے تاریخی سنگ میل عبور کر لیا

 100 انڈیکس نے 16 ماہ کے دوران 40 ہزار سے ایک لاکھ کا ہندسہ عبور کیا تھا جو دنیا کی کسی بھی اسٹاک ایکسچینج سے بہتر پوزیشن ہے۔

خیال رہے کہ گزشتتہ کاروباری ہفتے کے آخری دن اسٹاک مارکیٹ کے ہنڈریڈ انڈیکس نے بلند ترین ایک لاکھ کی حد کو چھو لیا تھا۔

دوسری جانب انٹربینک میں ڈالر کی قیمت میں بھی کمی ہو گئی ، انٹر بینک میں 4 پیسے کی کمی کے بعد ڈالر کا بھاؤ 278 روپے ہو گیا ہے۔