بشار حکومت کا خاتمہ، شامی فٹبال ٹیم نے کٹ کے رنگ بدل دیے

شامی صدر بشار الاسد کی حکومت کا تختہ الٹنے کے بعد ملک کی فٹبال فیڈریشن نے ٹیم کٹ کا رنگ سرخ سے سبز کر دیا۔

یہ پیش رفت شامی باغیوں کی جانب سے دارالحکومت دمشق پر قبضے کے بعد سامنے آئی ہے، اس اقدام نے بشار الاسد کے خاندان کی چھ دہائیوں پر محیط حکمرانی کو نہ صرف ختم کیا بلکہ انہیں روس فرار ہونے پر بھی مجبور  کیا۔

شام کی فٹ بال فیڈریشن نے فیس بک پر سبز لباس میں ملبوس کئی کھلاڑیوں کی تصویر شیئر کرتے ہوئے لکھا کہ ہماری قومی ٹیم کا یونیفارم اب ایسا دکھائی دے گا۔

فٹبال فیڈریشن نے کہا کہ شام کے کھیلوں کی تاریخ میں پہلی تاریخی تبدیلی اقربا پروری، جانبداری اور بدعنوانی سے دور ہے۔

غیر ملکی خبر رساں ادارے کے مطابق بشار الاسد اور ان کے اہل خانہ روس پہنچ گئے ہیں اور انہیں روسی حکام نے انسانی ہمدردی کی بنیادوں پر پناہ دی ہے۔