اسرائیل کی غزہ پر مسلسل بمباری، مزید 33 فلسطینی شہید

غزہ میں ہر طرف تباہی، ہرجانب میتیں اور بمباری سے تباہ عمارتوں کے کھنڈرات نظر آرہے ہیں۔

عالمی برادری کی مجرمانہ خاموشی کی وجہ سے اسرائیل نے ہنستا بستا غزہ مقتل بنادیا جب کہ مسلسل اسرائیلی حملوں سے غزہ میں شہدا کی تعداد 44 ہزار 835 تک پہنچ گئی۔

7 اکتوبر سے جاری اسرائیلی حملوں کے نتیجے میں اب تک ایک لاکھ سے زائد افراد زخمی ہوئے جب کہ لاکھوں افراد بے گھر ہوچکے۔

غزہ کے نصیرات میں مہاجرین کیمپ پر تازہ اسرائیلی حملے میں مزید 33 فلسطینی شہید ہوگئے، اقوام متحدہ اور دیگر عالمی امدادی ادارے فلسطین میں اسرائیلی حملوں پر مسلسل چیخ رہے ہیں۔

اسرائیلی حملوں کے ساتھ ساتھ شدید سرد موسم میں خوراک، پانی اور دوائوں کی کمی فلسطینیوں کا امتحان لے رہی ہے۔