56 گھنٹوں تک پائپ میں پھنسی بچی کو بچالیا گیا

امریکی ریاست ٹیکساس میں امدادی رضا کاروں نے 18 ماہ کی بچی کو پائپ میں 56 گھنٹوں تک پھنسے رہنے والی بچی کو بچا لیا۔

 غیر ملکی میڈیا کے مطابق امریکی ریاست ٹیکساس میں 18 مہینے کی عمر میں ایک بچی حادثاتی طور پر 8 انچ چوڑے پائپ میں گرکر پھنسی، جس کے بعد ملک بھر میں معصوم بچی کو بچانے کیلئے ایک ہلچل مچ جاتی ہے۔

میڈیا رپورٹ کے مطابق 18 ماہ کی ننھی بچی (جیسیکا) نے ناممکن حد تک تنگ پائپ میں 56 گھنٹوں کا وقت گزارا، جس کے بعد امدادی کارکنوں کی بچی کو پائپ سے نکالنے کیلئے دن رات کی انتھک محنت رنگ لے آئی۔

بچی جیسیکا کے ساتھ کیا ہوا؟

14 اکتوبر 1987 کو صرف 18 ماہ کی جیسیکا میک کلور اپنی خالہ کے گھر کے صحن میں کھیلتے ہوئے حادثاتی طور پر8 انچ چوڑے پائپ میں گر جاتی ہیں۔ گرنے کی وجہ سے وہ 22 فٹ نیچے پائپ میں چلی جاتی ہیں، جہاں ان کی ایک ٹانگ انکے سر کے اوپر پھنسنے سے صورتحال اور بھی سنگین ہو جاتی ہے۔

زیک ڈی فلمز کے ذریعہ تیار کردہ ایک سیمولیشن واضح طور پر صورتحال دکھاتا ہے کہ کس طرح بچی جیسیکا تنگ پائپ میں پھنسنے سے پہلے پھسل کر گر جاتی ہے۔

سیمولیشن ویڈیو میں بچی کو باغ میں کھیلتے ہوئے دیکھا جا سکتا ہے جب وہ نادانستہ طور پر پیچھے ہٹ کر سوراخ پر چڑھ جاتی ہے۔ جیسے ہی ایک ٹانگ سیدھے پائپ میں پھسلتے ہوئے تنگ پائپ میں نیچے گر جاتی ہے۔