سوناکشی اور ظہیر کی جُدائی؟ حیران کُن دعویٰ سامنے آگیا

معروف بھارتی نجومی سشیل کمار سنگھ نے سوناکشی سنہا اور ظہیر اقبال کی جُدائی سے متعلق حیران کن دعویٰ کر دیا۔

دی آوارہ مسافر پوڈ کاسٹ میں جے گنگن کی میزبانی میں سنگھ نے جوڑے کے مستقبل کے حوالے سے ایک چونکا دینے والی پیش گوئی کی اور کہا کہ دونوں اپنے پہلے بچے کی پیدائش کے بعد طلاق لے سکتے ہیں۔

نجومی نے اپنی پیش گوئی پر قائم رہتے ہوئے وضاحت دی ہے کہ بچے کی پیدائش ہونے کے بعد دونوں میں شدید اختلافات اور جھگڑے ہوں گے، جو آخرکار طلاق پر ختم ہوں گے۔

مزید پڑھیں:سوناکشی کو بھاگا کر شادی کرنا چاہتا تھا، ظہیر کا انکشاف

سوناکشی اور ظہیر نے حال ہی میں آسٹریلیا میں نیا سال منایا اور اپنی خوشگوار جھلکیاں شیئر کیں، جس میں بنجی جمپنگ، اسکائی ڈائیونگ، اور سفاری پر جانے جیسی سرگرمیاں شامل تھیں۔ ان کی تصاویر اور ویڈیوز نے ان کے خوشگوار تعلقات کو ظاہر کیا۔

اگرچہ نجومی کی پریشان کن پیشین گوئی موجود ہے، تاہم جوڑے کی موجودہ خوشی سنگھ کی پیش گوئی کے برعکس نظر آتی ہے۔ اب وقت ہی بتائے گا کہ سوناکشی اور ظہیر کا رشتہ کس سمت میں جائے گا۔