مزاحمتی محاذ اپنی طاقت کے عروج پر ہے، سربراہ پاسداران انقلاب

پاسداران کے انقلاب میجر جنرل حسین سلامی نے کہا ہے کہ مزاحمتی محاذ اپنی طاقت کے عروج پر ہے۔

ایران کے جنوب مشرقی شہر کرمان میں ایک تقریب سے خطاب کرتے ہوئے میجر جنرل حسین سلامی نے کہا کہ آج مزاحمتی محاذ اپنی طاقت کے عروج پر ہے لیکن دشمن نفرت کی اشیاء میں تبدیل ہو چکے اور خوف زدہ ہیں اور یہ کہانی جاری رہے گی۔

انہوں نے لبنان کی مزاحمتی تحریک حزب اللہ کی جانب سے اسرائیل پر اپنی مرضی مسلط کرنے کی تعریف کرتے ہوئے کہا کہ اس گروپ نے متعدد جوابی کارروائیاں کیں جن کی وجہ سے تل ابیب کو بیروت کے ساتھ جنگ بندی معاہدے کی شرائط کو قبول کرنے پر مجبور ہونا پڑا۔

پاسداران انقلاب کے سربراہ کا کہنا تھا کہ ان شدید خطرات کے باوجود حزب اللہ کا اپنے راستے پر گامزن ہونا سید حسن نصراللہ اور ہاشم صفی الدین کی جدوجہد کی مرہون منت ہے، جنہوں نے لبنانی نوجوانوں کے عقائد میں جہاد کی جڑیں پھونک دیں۔

میجر جنرل حسین سلامی نے کہا کہ دشمن مسلم دنیا کے مخلص نوجوانوں کا مقابلہ نہیں کرسکتے ہیں اور  وقت گزرنے کے ساتھ دشمن موت کے قریب پہنچ رہے ہیں۔

سربراہ پاسداران انقلاب کا ہنا تھا کہ ان عظیم مجاہدین کی جانب سے دہائیوں سے قائم کیے گئے یہ مضبوط انفراسٹرکچر آج مسلمانوں کی زندگیوں کو تقویت دینے والے مخصوص ستون کے طور پر کام کر رہے ہیں۔