اسرائیل کے مغربی کنارے میں 58 سالہ تاریخ کے تباہ کن حملے

اسرائیل کی جانب سے مغربی کنارے میں شروع کیے گئے پناہ گزین کیمپوں کی تباہی 1967 کی جنگ کے بعد فلسطینیوں کی سب سے بڑی نقل مکانی ہے۔

اقوام متحدہ کے ریلیف اینڈ ورکس ایجنسی برائے فلسطین فار نیئر ایسٹ (یو این آر ڈبلیو اے) کے کمشنر جنرل فلپ لازارینی نے کہا ہے کہ مغربی کنارے میں اسرائیل کی جانب سے شروع کیے گئے پناہ گزین کیمپوں کی تباہی 1967 کی جنگ کے بعد سے فلسطینیوں کی سب سے بڑی نقل مکانی میں تبدیل ہوگئی ہے۔

ان منظم اور بڑے پیمانے پر گھروں کو مسمار کرنے سے علاقے میں فلسطینی پناہ گزینوں کی زندگیوں پر غیر معمولی اثرات مرتب ہو رہے ہیں۔ جینن، تلکرم اور نور شمس کے پناہ گزین کیمپوں کو ان کے رہائشیوں سے تقریبا خالی کر دیا گیا ہے، جس سے گھروں سمیت شہری بنیادی ڈھانچے کو بڑے پیمانے پر نقصان پہنچا ہے۔

یہ بھی پڑھیں: فلسطینیوں کی غزہ سے بےدخلی؛ اسرائیل کا منصوبہ آشکار ہوگیا

لوگوں کو اب اس امکان کا سامنا ہے کہ ان کے پاس واپس جانے کے لیے کوئی جگہ نہیں ہے، یہ آپریشن دوسرے انتفاضہ کے بعد سے واحد طویل ترین اور سب سے زیادہ تباہ کن ہے جس کے نتیجے میں 1967 کی جنگ کے بعد مغربی کنارے میں فلسطینیوں کی سب سے بڑی نقل مکانی ہوئی۔

اقوام متحدہ کے عہدیدار کا مزید کہنا تھا کہ صیہونی فوج کے تباہ کن حملوں کے نتیجے میں مقبوضہ مغربی کنارے سے تقریبا 40,000 سے زائد فلسطینی اپنے گھروں کو چھوڑنے پر مجبور ہوئے ہیں جب ان آپریشن میں ہزاروں افراد کے گھروں کو مسمار کیا جا چکا ہے۔