پنجاب میں تباہ کن سیلاب، کرتارپور کا پورا علاقہ زیرِ آب

پنجاب میں تباہ کن سیلاب سے کرتارپور کا پورا علاقہ زیر آب آگیا۔

تفصیلات کے مطابق پنجاب میں دریاؤں کے بہاؤ میں مسلسل اضافہ ہوتا جارہا ہے جس کے باعث صوبے کے مختلف اضلاع میں سیلابی صورتحال کا سامنا ہے۔

ضلع نارووال میں سیلابی پانی کے باعث کرتارپور کا پورا علاقہ زیر آب آگیا جس کے باعث پانی گھروں اور کھیتوں میں داخل ہوگیا ہے۔

دریاؤں کے کنارے آباد لوگوں کی محفوظ مقامات پر منتقلی جاری ہے اور حکام نے ریڈ الرٹ جاری کرتے ہوئے لوگوں کو دریاؤں کے کناروں سے دور رہنے کی ہدایت کی ہے۔