وزیراعظم شہباز شریف وفد کے ہمراہ چین روانہ

اسلام آباد: وزیراعظم محمد شہباز شریف وفد کے ہمراہ چین روانہ ہوگئے۔

تفصیلات کے مطابق وزیراعظم 4 ستمبر تک چین میں قیام کریں گے جہاں وہ تعاون تنظیم اجلاس میں شرکت کریں گے۔

وزیر اعظم شہباز شریف سربراہی اجلاس سے خطاب بھی کریں گے جس میں وہ خطے میں امن اور ترقی کیلئے پاکستان کا مؤقف پیش کریں گے۔

اس موقع پر شہباز شریف عالمی رہنماؤں سے ملاقاتیں بھی کریں گے اور چین کے دارالحکومت بیجنگ بھی جائیں گے۔

شہباز شریف کی چینی صدر اور وزیر اعظم سے ملاقاتیں بھی ہوں گی، وزیر اعظم چینی کمپنیوں کو پاکستان میں سرمایہ کاری کی دعوت بھی دیں گے۔