پی ڈی ایم اے نے سیلاب سے نقصانات کی رپورٹ جاری کردی

لاہور: پروونشل ڈیزاسٹر مینجمنٹ اتھارٹی (پی ڈی ایم اے) نے سیلاب سے نقصانات کی رپورٹ جاری کر دی۔

پروونشل ڈیزاسٹر مینجمنٹ اتھارٹی (پی ڈی ایم اے) نے بیان میں کہا کہ پنجاب میں سیلاب کے باعث 30 افراد جاں بحق ہوئے۔

پی ڈی ایم اے کے مطابق لاہور میں آسمانی بجلی گرنے سے 2اموات رپورٹ ہوئیں جبکہ پنجاب میں سیلابی صورتحال کے باعث 2308موضع جات متاثر ہوئے۔

پی ڈی ایم اے کے مطابق دریاؤں میں سیلابی صورتحال کے باعث 15لاکھ16ہزار لوگ متاثر ہوئے جبکہ سیلابی ریلے میں پھنسے 4لاکھ 81ہزار افراد کو محفوظ مقامات پر منتقل کیا گیا۔

خیال رہے کہ پنجاب کے سیلاب زدہ اضلاع میں 115ریلیف کیمپس قائم کیے گئے ہیں۔