ڈرائیونگ لائسنس بنوانے والوں کیلئے بڑی خبر آگئی

پنجاب میں ڈی آئی جی ٹریفک کے احکامات پر صوبے بھر میں ڈرائیونگ لائسنس کا اجراء جاری ہے۔

 ٹریفک ترجمان کے مطابق سال کے ابتدائی 10 دنوں میں 3 لاکھ سے زائد شہریوں نے ڈرائیونگ لائسنس حاصل کیے ہیں، جس سے شہریوں کا ٹریفک پولیس پر اعتماد ظاہر ہوتا ہے۔

اعداد و شمار کے مطابق 1 لاکھ 47 ہزار سے زائد شہریوں نے نئے ریگولر ڈرائیونگ لائسنس بنوائے، جبکہ 1 لاکھ 48 ہزار سے زائد شہریوں نے لرننگ، ریگولر اور انٹرنیشنل لائسنس کی تجدید کروائی۔

نئے سال کے دوران 1400 پاکستانی شہریوں نے انٹرنیشنل ڈرائیونگ پرمٹ حاصل کیا، اور 1 لاکھ 29 ہزار سے زائد شہری جدید آن لائن لائسنسنگ پورٹل سے مستفید ہو چکے ہیں۔

ڈی آئی جی ٹریفک پنجاب محمد وقاص نذیر نے کہا کہ اتنی بڑی تعداد میں شہریوں کا ڈرائیونگ لائسنس حاصل کرنا خوش آئند ہے اور یہ شہریوں کے اعتماد کا مظہر ہے۔ انہوں نے کہا کہ سال 2026 میں بھی شہریوں کے اعتماد کو قائم رکھتے ہوئے لائسنسنگ سہولیات میں اضافہ کیا جائے گا۔

ٹریفک حکام نے شہریوں سے اپیل کی ہے کہ وہ نئے اور تجدید شدہ لائسنس کے لیے صرف سرکاری اور تصدیق شدہ مراکز یا آن لائن پورٹل استعمال کریں تاکہ کسی قسم کی دشواری یا دھوکہ دہی سے بچا جا سکے۔