ڈی جی آئی ایس پی آر کی یونیورسٹی آف تربت کے طلباء واساتذہ کے ساتھ خصوصی نشست

ڈی جی آئی ایس پی آر لیفٹیننٹ جنرل احمد شریف چوہدری کی یونیورسٹی آف تربت کے طلباء واساتذہ  کے ساتھ خصوصی نشست کا انعقاد کیا گیا۔

ڈی جی آئی ایس پی آر لیفٹیننٹ جنرل احمد شریف چوہدری کا یونیورسٹی آمد پر اساتذہ، فیکلٹی ممبران اور طلباء نے پرتباک خیرمقدم کیا، ڈی جی آئی ایس پی آر نے طلباء اور اساتذہ کے ساتھ قومی سلامتی اور دیگر اہم امور پر مفصل گفتگو کی۔

اساتذہ اور طلباء نے قومی سلامتی کو درپیش خطرات کیخلاف متحد ہو کر مقابلہ کرنے کے عزم کا اظہار کیا۔

اساتذہ کا کہنا تھا کہ ڈی جی آئی ایس پی آر کے ساتھ نشست کافی معلوماتی رہی، پاکستان کا مستقبل نوجوان نسل ہے۔

اس موقع پر طلباء کا کہنا تھا کہ ڈی جی آئی ایس پی آر کے ساتھ نشست سے بہت کچھ سیکھنے کو ملا، ڈی جی آئی ایس پی آر کے ساتھ ملاقات ہمارے خیالات اور رویوں میں تبدیلی کا باعث بنے گی۔

اس کے علاوہ شرکاء نے قومی یکجہتی، شعور اور مثبت بیانیہ کے فروغ کیلئے مشترکہ جدوجہد کی ضرورت پر اتفاق کیا۔