پاکستانی کھجور کی عالمی منڈیوں تک رسائی، برآمدات میں اضافہ

خصوصی سرمایہ کاری سہولت کاری کونسل کے تعاون سے پاکستانی کھجور کی متنوع اقسام اور معیار کی بدولت عالمی منڈیوں میں برآمدی صلاحیت میں نمایاں اضافہ ہو رہا ہے۔

پاکستان میں خصوصی سرمایہ کاری سہولت کاری کے تعاون سے ملکی کاروباری اور برآمدی نظام کو مضبوط بنانے کے لیے جامع اقدامات جاری ہیں۔ ان اقدامات کی بدولت پاکستانی کھجور اپنی متنوع اقسام کے باعث عالمی مارکیٹ میں نمایاں برآمدی صلاحیت حاصل کر رہی ہے۔

عسیل، ڈھکی، بیگم جنگی، کُپرو اور مزواتی سمیت پاکستانی کھجور کی متعدد اقسام اپنی غذائیت اور بہترین ذائقے کی وجہ سے عالمی صارفین اور خریداروں کی توجہ کا مرکز بنی ہوئی ہیں۔

سندھ، بلوچستان، جنوبی پنجاب اور خیبر پختونخوا کے اضلاع میں کاشت ہونے والی کھجوریں پاکستان کی زرعی تنوع کا بہترین ثبوت ہیں۔

یہ بھی پڑھیں : پاکستان کی آئی ٹی برآمدات میں بڑا اضافہ، وزارت نے کریڈٹ وزیراعظم کو دے دیا

عالمی مارکیٹ میں پاکستانی کھجوروں کی بڑھتی ہوئی طلب، متنوع اقسام اور بہتر معیار برآمدات میں اضافے کے بہترین مواقع فراہم کر رہے ہیں۔

معیاری پیداوار کی تیاری، جدید پیکیجنگ اور بہتر برآمدی نظام کے ذریعے پاکستانی کھجور کو عالمی منڈی میں دیگر ممالک کی پیداوار کا مقابلہ کرنے کے قابل بنایا جا رہا ہے۔

ایس آئی ایف سی کے حکومتی سطح پر مربوط اقدامات کی وجہ سے ملک میں کاروباری ماحول اور برآمدی شعبوں میں سہولت کاری کو تیزی سے فروغ مل رہا ہے۔

پاکستانی کھجور کی برآمدات میں ہونے والا یہ اضافہ نہ صرف دیہی معیشت کو مضبوط بنا رہا ہے بلکہ کسانوں کی آمدن میں بہتری اور ملک کے پورے زرعی شعبے کی ترقی میں بھی اہم کردار ادا کر رہا ہے۔