سرکاری ملازمت کے خواہشمند نوجوانوں کیلئے بڑی خوشخبری آگئی

بلوچستان حکومت نے سرکاری ملازمت کے خواہشمند نوجوانوں کو خوشخبری سنادی ہے۔

صوبائی حکومت نے مختلف محکموں میں گریڈ 1 سے 15 تک 25 ہزار سے زائد خالی آسامیوں کا اعلان کیا ہے۔ یہ اقدام میرٹ پر بھرتیوں اور بہتر گڈ گورننس کے عزم کے تحت اٹھایا گیا ہے۔

وزیر اعلیٰ میر سرفراز بگٹی نے کہا کہ نوجوانوں کو سرکاری ملازمت کے مواقع فراہم کرنا حکومت کی اولین ترجیح ہے۔ انہوں نے کہا کہ گریڈ 16 اور 17 کی تقریباً 4 ہزار خالی آسامیوں کی سمری پبلک سروس کمیشن کو بھیج دی گئی ہے۔ جہاں محکموں میں ٹیسٹ اور انٹرویوز مکمل ہو چکے ہیں، وہاں جلد تعیناتی کے احکامات جاری کیے جائیں گے۔

حکام کے مطابق یہ بھرتیاں شفافیت اور میرٹ کے اصولوں کے مطابق ہوں گی تاکہ اہل امیدواروں کو ترجیح دی جا سکے۔ صوبائی حکومت نے امیدواروں سے اپیل کی ہے کہ وہ سرکاری ویب سائٹس اور آفیشل ذرائع سے ہی معلومات حاصل کریں تاکہ کسی قسم کی افواہوں یا جعلی اشتہارات سے بچا جا سکے۔