ترلائی کلاں خود کش دہشت گردی کی تحقیقات میں اہم پیش رفت؛ حملہ آور کے چار سہولت کار گرفتار

سیکورٹی ذرائع کا کہنا ہے کہ ترلائی کلاں خودکش دہشت گردی کی تحقیقات میں اہم پیش رفت ہوئی ہے۔

سیکورٹی ذرائع کے مطابق انٹیلیجینس اور قانون نافذ کرنے والے اداروں نے پشاور اور نوشہرہ میں چھاپے مارے اور خود کُش حملہ آور کے چار سہولت کاروں کو گرفتار کرلیا، خود کُش حملے کا داعش افغانی ماسٹر مائنڈ بھی گرفتار کرلیا۔

   آپریشنز ٹیکنیکل اور ہیومن انٹیلیجینس کے نتیجے میں کیے گئے، حملے  کی منصوبہ بندی، تربیت اور ذہن سازی افغانستان میں داعش نے کی، افغان طالبان کی سرپرستی میں داعش اور دیگر دہشت گرد تنظیمیں خطے اور عالمی امن کے لئے  بڑا خطرہ ہیں۔

 سیکورٹی ذرائع کا کہنا ہے کہ آپریشن کے دوران وطن کا ایک بیٹا شہید اور تین زخمی ہوئے، دہشت گردوں کے خلاف مزید انٹیلیجنس بیسڈ آپریشنز جاری ہیں۔