ابھی تو طاقتور ترین میزائل استعمال ہی نہیں کیے : ایران

ایران نے اپنے سپریم لیڈر کی شہادت کے بعد امریکا اور اسرائیل کو سخت نتائج کی دھمکی دی ہے اور کہا ہے کہ اس نے ابھی اپنی سب سے طاقتور فوجی صلاحیت استعمال نہیں کی۔

تہران سے جاری بیان میں ایرانی حکام نے کہا ہے کہ یہ مکمل مزاحمت کا وقت ہے اور ایران ہر ممکن طاقت کے ساتھ جواب دے گا۔ انہوں نے واضح کیا کہ ابھی تک جدید ترین میزائل نظام اور بعض طاقتور عسکری صلاحیتیں استعمال نہیں کی گئیں۔

یہ بھی پڑھیں : امریکی بحری بیڑے ابراہم لنکن پر ایران کا بیلسٹک میزائلوں سے حملہ

قطری نشریاتی ادارے کی رپورٹ کے مطابق ایرانی فوج نے ملک بھر میں دس جدید ڈرون مار گرانے کا اعلان کیا، جس کے بعد مجموعی تعداد بائیس ہوگئی ہے۔ ایرانی حکام نے امریکا اور اسرائیل کو خبردار کرتے ہوئے کہا کہ آنے والے دنوں میں دشمن کو اس کی بھاری قیمت چکانا پڑے گی۔

ایرانی قیادت نے موجودہ تنازع کو ماضی کی جھڑپوں سے مختلف قرار دیتے ہوئے اسے ایک وجودی جنگ کہا ہے۔ ان کا کہنا ہے کہ اس مرحلے پر کوئی پسپائی، کوئی سمجھوتہ اور کوئی ہتھیار ڈالنے کا سوال پیدا نہیں ہوتا جب تک ایران اپنی دفاعی صلاحیت، وقار اور آزادی کا مکمل تحفظ یقینی نہ بنا لے۔