ایران سے جنگ لامتناہی نہیں، بلکہ فیصلہ کن کارروائی ہے : اسرائیلی وزیر اعظم

اسرائیلی وزیر اعظم نے کہا ہے کہ ایران کے خلاف جاری جنگ لامتناہی نہیں ہوگی بلکہ اس کے نتیجے میں خطے میں امن قائم ہوگا۔

اسرائیل کے وزیر اعظم بنیامین نیتن یاہو نے ایک ٹی وی پروگرام میں گفتگو کرتے ہوئے کہا کہ ایران کے خلاف امریکا اور اسرائیل کی مشترکہ جنگ ایک نہ ختم ہونے والی لڑائی میں تبدیل نہیں ہوگی۔ ان کے مطابق یہ اقدام خطے میں امن کے لیے راستہ ہموار کرے گا۔

یہ بھی پڑھیں : اسرائیل نے تہران کے ٹریفک کیمروں اور فون نظام ہیک کرکے سپریم لیڈر پر نظر رکھی : رپورٹ

انہوں نے کہا کہ یہ کوئی لامتناہی جنگ نہیں بلکہ فیصلہ کن کارروائی ہے، جس کے ذریعے طویل المدتی استحکام حاصل کیا جا سکتا ہے۔

ان سے جب مشرق وسطیٰ میں پائیدار امن کے امکانات کے بارے میں پوچھا گیا تو انہوں نے جواب دیا کہ انہیں ایسا راستہ دکھائی دے رہا ہے۔