سلامتی کونسل میں روس کی جنگ بندی قرارداد ویٹو؛ پاکستان کی حمایت بھی کام نہ آسکی

اقوام متحدہ کی سلامتی کونسل میں روس کی جانب سے پیش کی گئی جنگ بندی کی قرارداد امریکا کے ویٹو کے باعث منظور نہ ہوسکی۔

اقوام متحدہ کی سلامتی کونسل میں روس کی جانب سے پیش کی گئی جنگ بندی کی قرارداد مطلوبہ حمایت حاصل نہ کرسکی اور امریکا نے اپنی ویٹو طاقت استعمال کرتے ہوئے اسے مسترد کردیا۔ قرارداد کا مقصد جاری کشیدگی کے تناظر میں فوری جنگ بندی کو یقینی بنانا اور خطے میں بڑھتے ہوئے تناؤ کو کم کرنا تھا۔

یہ بھی پڑھیں : اسرائیلی وزیر اعظم نیتن یاہو کی ایرانی حملوں میں ہلاک یا شدید زخمی ہونے کی اطلاع

سلامتی کونسل میں ہونے والی رائے شماری کے دوران قرارداد کے حق میں پاکستان سمیت چار ارکان نے ووٹ دیا، جبکہ دو ارکان نے اس کی مخالفت کی۔ اجلاس کے دوران کونسل کے نو ارکان رائے شماری میں شریک نہ ہوئے جس کے باعث قرارداد کو مطلوبہ حمایت حاصل نہ ہوسکی۔

امریکا کے ویٹو کے بعد روسی سفارتی حلقوں نے اس فیصلے پر افسوس کا اظہار کرتے ہوئے کہا کہ جنگ بندی کی قرارداد کا مقصد خطے میں امن و استحکام کو فروغ دینا تھا۔ دوسری جانب بعض مغربی ممالک کا مؤقف تھا کہ قرارداد میں بعض اہم نکات کو شامل نہیں کیا گیا تھا، جس کی وجہ سے اس کی حمایت ممکن نہ ہوسکی۔