ہواوے نے نووا 16 سیریز کے نئے اسمارٹ فونز متعارف کروا دیے؛ قیمت اور فیچرز جانیے

ٹیکنالوجی کمپنی ہواوے نے اپنی نووا سیریز کے نئے اسمارٹ فونز نووا 16 اور نووا 16 پرو پیش کر دیے ہیں۔ ان فونز میں کمپنی نے کیمرہ، بیٹری اور کنیکٹیویٹی کے شعبے میں اہم بہتری کی ہے۔

نووا 16 پرو کا سب سے نمایاں پہلو اس کا جدید کیمرہ سسٹم ہے۔ اس میں 200 میگا پکسل کا مین کیمرا شامل ہے جو بڑے سینسر اور آپٹیکل امیج اسٹیبلائزیشن کے ساتھ آتا ہے۔ اس کے علاوہ 50 میگا پکسل الٹرا وائیڈ کیمرا اور 50 میگا پکسل ٹیلی فوٹو لینس بھی دیا گیا ہے۔ سیلفی کے لیے 50 میگا پکسل فرنٹ کیمرا موجود ہے جو بہتر تصویری معیار فراہم کرتا ہے۔

نووا 16 پرو میں 6.84 انچ کا LTPO ڈسپلے دیا گیا ہے۔ یہ اسکرین 120 ہرٹز ریفریش ریٹ اور ہائی ریزولوشن کو سپورٹ کرتی ہے۔ دوسری طرف نووا 16 میں 6.68 انچ OLED ڈسپلے شامل ہے جو ہموار اسکرین تجربہ فراہم کرتا ہے۔

دونوں ماڈلز میں Kirin 9010S پروسیسر دیا گیا ہے۔ یہ فونز 12 جی بی ریم کے ساتھ آتے ہیں۔ اسٹوریج کے آپشنز 256 جی بی سے لے کر 1 ٹی بی تک ہیں، تاہم زیادہ اسٹوریج صرف پرو ماڈل میں دستیاب ہے۔

بیٹری کے حوالے سے بھی یہ سیریز مضبوط ہے۔ اس میں 7000 ایم اے ایچ کی بڑی بیٹری دی گئی ہے جو 100 واٹ فاسٹ چارجنگ کو سپورٹ کرتی ہے۔ تاہم وائرلیس چارجنگ کی سہولت شامل نہیں کی گئی۔

کنیکٹیویٹی کے لیے ان فونز میں 5G، وائی فائی 7، بلوٹوتھ 6.0 اور سیٹلائٹ میسجنگ جیسی جدید سہولیات شامل ہیں۔ اس کے علاوہ NFC اور دیگر اسمارٹ فیچرز بھی دیے گئے ہیں۔ فونز کو IP65 ریٹنگ حاصل ہے جس سے یہ ہلکے پانی کے چھینٹوں سے محفوظ رہتے ہیں۔

قیمتیں اور دستیابی:

نووا 16 (12 جی بی ریم، 256 جی بی اسٹوریج): تقریباً 445 امریکی ڈالر
نووا 16 (12 جی بی ریم، 512 جی بی اسٹوریج): تقریباً 520 امریکی ڈالر
نووا 16 پرو (256 جی بی): تقریباً 575 امریکی ڈالر
نووا 16 پرو (512 جی بی): تقریباً 650 امریکی ڈالر
نووا 16 پرو (1 ٹی بی): تقریباً 740 امریکی ڈالر

ہواوے نے اس سیریز کو مختلف رنگوں میں بھی پیش کیا ہے جن میں بلیو، وائٹ اور بلیک شیڈز شامل ہیں۔ یہ فونز کارکردگی اور جدید ٹیکنالوجی کا بہترین امتزاج ہیں۔