پاکستان میں آئندہ ہفتے پیٹرول کی قیمت میں اضافہ ہو گا یا کمی؟ متوقع قیمت سامنے آگئی

ملک میں پیٹرول کی قیمتوں کے حوالے سے عوام کے لیے ایک ممکنہ ریلیف کی خبر سامنے آئی ہے۔

 مارکیٹ ذرائع کے مطابق اگر عالمی منڈی میں خام تیل کی قیمتیں موجودہ سطح پر مستحکم رہیں اور حکومت کی جانب سے پیٹرولیم لیوی یا دیگر ٹیکسز میں کوئی اضافہ نہ کیا گیا تو آئندہ ہفتے قیمتوں کے جائزے میں پیٹرول کی قیمت میں معمولی کمی ممکن ہے۔

ماہرین کا کہنا ہے کہ بین الاقوامی سطح پر تیل کی قیمتوں میں حالیہ اتار چڑھاؤ کے بعد اب مارکیٹ نسبتاً متوازن ہو رہی ہے۔ اس کے ساتھ ساتھ درآمدی پریمیم میں کمی بھی دیکھی جا رہی ہے، جو مقامی مارکیٹ میں قیمتوں میں کمی کی گنجائش پیدا کر رہی ہے۔

تجزیہ کاروں کے مطابق اگر یہی صورتحال برقرار رہی تو آئندہ جائزے میں پیٹرول کی فی لیٹر قیمت میں تقریباً 2 سے 4 روپے تک کمی کا امکان ہے۔ تاہم انہوں نے یہ بھی واضح کیا ہے کہ حتمی فیصلہ حکومت کے مالیاتی اور توانائی پالیسی اقدامات پر منحصر ہوگا۔

اس وقت ملک میں پیٹرول کی موجودہ قیمت 377 روپے 78 پیسے فی لیٹر ہے، جو 6 جون کو کیے گئے حالیہ قیمتوں کے جائزے کے بعد مقرر کی گئی تھی۔