میرپورڈویژن میں 27 جولائی کو تعطیل نوٹیفکیشن جاری

 حکومت آزاد کشمیر نے میرپور ڈویژن میں 27 جولائی کو عام تعطیل کا نوٹیفکیشن جاری کر دیا ہے۔

تفصیلات کے مطابق آزاد جموں و کشمیر الیکشن کمیشن کی درخواست پر حکومت آزاد کشمیر نے 27 جولائی کو میرپور ڈویژن میں عام تعطیل کی منظوری دی۔ محکمہ سروسز اینڈ جنرل ایڈمنسٹریشن کی جانب سے اس حوالے سے باقاعدہ نوٹیفکیشن بھی جاری کر دیا گیا ہے۔

نوٹیفکیشن میں واضح کیا گیا ہے کہ عام تعطیل کا اطلاق پورے آزاد کشمیر میں نہیں ہوگا۔ یہ چھٹی صرف میرپور ڈویژن کی حدود تک محدود رہے گی۔ دیگر اضلاع میں معمول کے مطابق سرکاری اور دیگر سرگرمیاں جاری رہیں گی۔

27 جولائی کو آزاد جموں و کشمیر قانون ساز اسمبلی کے انتخابات کے پہلے مرحلے میں میرپور ڈویژن میں پولنگ ہوگی۔ الیکشن کمیشن نے پولنگ کے دن ووٹرز کی سہولت اور انتخابی عمل کو بہتر انداز میں مکمل کرنے کے لیے حکومت سے عام تعطیل کی درخواست کی تھی۔

حکومت کی جانب سے تعطیل کا اعلان ہونے کے بعد میرپور ڈویژن کے شہریوں کو انتخابی عمل میں حصہ لینے کے لیے مزید سہولت ملے گی۔ متعلقہ ادارے بھی پولنگ کے دن انتظامات کو بہتر بنانے کے لیے اپنی تیاریاں مکمل کریں گے۔