پنجاب میں اسکول ٹیچر انٹرنز کی بھرتی کی سمری منظور
Education Minister Announces Relief News
پنجاب حکومت نے سرکاری اسکولوں میں اساتذہ کی کمی دور کرنے کے لیے اسکول ٹیچر انٹرنز (STIs) کی بھرتی کی سمری منظور کرلی ہے۔ وزیر تعلیم پنجاب رانا سکندر حیات نے اعلان کیا ہے کہ نئے بھرتی ہونے والے ٹیچر انٹرنز رواں ہفتے سکولوں میں اپنی ذمہ داریاں سنبھال لیں گے۔
وزیر تعلیم کے مطابق اسکول ٹیچر انٹرنز کو عارضی بنیادوں پر تدریسی خدمات کے لیے تعینات کیا جارہا ہے، تاکہ سرکاری اسکولوں میں اساتذہ کی کمی کو فوری طور پر پورا کیا جاسکے۔
انہوں نے بتایا کہ ایس ٹی آئیز کو پرائمری، ایلیمنٹری اور سیکنڈری سطح کے اسکولوں میں تدریس کی ذمہ داریاں سونپی جائیں گی۔
رانا سکندر حیات کا کہنا تھا کہ ٹیچر انٹرنز پروگرام کا مقصد صرف سرکاری اسکولوں میں اساتذہ کی کمی پوری کرنا نہیں بلکہ نوجوانوں کو عملی تدریسی تجربہ فراہم کرنا بھی ہے۔
ان کے مطابق پروگرام کے ذریعے نوجوان گریجویٹس کو تدریس کے شعبے میں عملی تجربہ حاصل کرنے کا موقع ملے گا، جبکہ دوسری جانب سرکاری اسکولوں میں تعلیمی سرگرمیوں کا تسلسل بھی برقرار رکھنے میں مدد ملے گی۔
Catch all the تعلیم News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
