آزادی کشمیر کی عظیم مجاہدہ حسین شہید کا آج 79واں یوم شہادت منایا جا رہا ہے

آزادی کشمیر کی جدوجہد میں شجاعت کی لازوال مثال قائم کرنے والی مجاہدہ حسین بی بی شہید کا 79واں یوم شہادت منایا جا رہا ہے۔

ہے۔ سنہ 1947 میں مجاہدہ حسین شہید نے آزادی کشمیر کے لیے عزم، ہمت اور دلیری کی نئی داستان رقم کی تھی۔ مجاہدہ حسین شہید 5 آزاد کشمیر رجمنٹ میں سپاہی کے طور پر بھرتی ہوئیں تھیں۔

یہ بھی پڑھیں : جموں و کشمیر نہ کبھی بھارت کا اٹوٹ انگ تھا، نہ ہے اور نہ ہوگا: پاکستان

4 اور 5 اکتوبر 1947 کی درمیانی شب مجاہدہ حسین شہید اس ہراول دستے کا حصہ بنیں، جس کے پاس چند ہی تلواریں اور بندوقیں تھیں۔

دشمن کو بھاری نقصان پہنچاتے ہوئے مجاہدہ حسین شہید نے 7 اکتوبر 1947 کو جام شہادت نوش کیا۔ مجاہدہ حسین شہید کو ان کی عظیم قربانی کے اعتراف میں تمغہ مجاہد حیدری سے نوازا گیا تھا۔