سیمنٹ کی قیمت سے متعلق بڑی خبر آگئی

ملک بھر میں سیمنٹ کی ریٹیل قیمتوں میں مجموعی طور پر استحکام دیکھا گیا ہے، البتہ چند شہروں میں معمولی کمی جبکہ بعض میں قیمتیں برقرار رہی ہیں۔

ادارہ شماریات پاکستان کی جانب سے جاری کردہ تازہ اعداد و شمار کے مطابق 2 اکتوبر 2025 کو ختم ہونے والے ہفتے میں سیمنٹ کی فی بوری اوسط قیمت 1382 روپے ریکارڈ کی گئی۔

 رپورٹ کے مطابق شمالی علاقوں میں سیمنٹ کی اوسط قیمت 1381 روپے رہی، جو گزشتہ ہفتے کے مقابلے میں 0.10 فیصد کم ہے، جبکہ جنوبی علاقوں میں فی بوری قیمت 1449 روپے پر مستحکم رہی۔

اسلام آباد میں سیمنٹ کی اوسط قیمت 1357 روپے، راولپنڈی میں 1361 روپے، گوجرانوالہ میں 1420 روپے، سیالکوٹ میں 1380 روپے، لاہور میں 1428 روپے، فیصل آباد میں 1380 روپے، سرگودھا میں 1370 روپے، ملتان میں 1416 روپے، بہاولپور میں 1450 روپے، پشاور میں 1350 روپے اور بنوں میں 1280 روپے فی بوری ریکارڈ کی گئی۔

 دوسری جانب کراچی میں سیمنٹ 1367 روپے، حیدرآباد میں 1427 روپے، سکھر میں 1500 روپے، لاڑکانہ میں 1407 روپے، کوئٹہ میں 1510 روپے اور خضدار میں 1483 روپے فی بوری کے حساب سے فروخت ہوا۔