ہونڈا سی جی 125 آسان ماہانہ اقساط پر حاصل کرنے کا طریقہ؛ جانیے

فیصل بینک نے موٹر سائیکل خریدنے کے خواہشمند افراد کے لیے نئی فنانسنگ پیشکش متعارف کروادی ہے۔ اس پیشکش کے تحت اہل نور کارڈ ہولڈرز فیصل ڈیجی مال کے ذریعے ہونڈا سی جی 125 آسان ماہانہ اقساط پر حاصل کرسکتے ہیں۔

بینک کی جانب سے جاری پیشکش کے مطابق ہونڈا سی جی 125 کی قیمت فیصل ڈیجی مال پر 2 لاکھ 38 ہزار 500 روپے مقرر کی گئی ہے۔ صارفین اپنی مالی سہولت کے مطابق مختلف مدت کی اقساط کا انتخاب کرسکتے ہیں۔

پیشکش کی خاص بات یہ ہے کہ پہلے 6 ماہ کے لیے 0 فیصد منافع کی سہولت دی جارہی ہے۔ صارفین اگر 3 ماہ کی مدت کا انتخاب کرتے ہیں تو انہیں ہر ماہ 79 ہزار 500 روپے ادا کرنا ہوں گے۔ اسی طرح 6 ماہ کی مدت پر ماہانہ قسط 39 ہزار 750 روپے ہوگی اور اس مدت کے لیے بھی 0 فیصد منافع کی پیشکش کی گئی ہے۔

وہ صارفین جو زیادہ طویل مدت میں ادائیگی کرنا چاہتے ہیں، ان کے لیے بھی مختلف آپشنز موجود ہیں۔ 12 ماہ کی مدت کے لیے ماہانہ قسط 24 ہزار 645 روپے، 24 ماہ کے لیے 14 ہزار 708 روپے، 36 ماہ کے لیے 11 ہزار 395 روپے جبکہ 48 ماہ کے پلان میں ماہانہ قسط 9 ہزار 739 روپے مقرر کی گئی ہے۔

فیصل بینک کی اس پیشکش کے تحت صارفین کو موٹر سائیکل حاصل کرنے کے لیے ملک بھر میں اسٹور پک اپ کی سہولت بھی فراہم کی جائے گی۔ اس کا مطلب ہے کہ خریداری کا عمل مکمل ہونے کے بعد صارفین پاکستان کے مختلف شہروں میں مقررہ مقامات سے اپنی موٹر سائیکل وصول کرسکیں گے۔

یہ پیشکش فیصل ڈیجی مال کے ذریعے اہل نور کارڈ ہولڈرز کے لیے دستیاب ہے۔ تاہم اس سہولت سے فائدہ اٹھانے کے لیے بینک کی جانب سے مقرر کردہ شرائط و ضوابط لاگو ہوں گے۔

بینک کے مطابق یہ پروموشن 31 جولائی 2026 تک جاری رہے گی۔ موٹر سائیکل خریدنے کے خواہشمند افراد کو مشورہ دیا گیا ہے کہ وہ پیشکش سے فائدہ اٹھانے سے پہلے تمام شرائط، فنانسنگ کی تفصیلات اور اپنی اہلیت ضرور چیک کرلیں۔