سونے کی قیمت میں اضافے کا سلسلہ جاری؛ فی تولہ کتنے کا ہو گیا؟

پاکستان اور عالمی مارکیٹ میں سونے کی قیمت میں اضافے کا سلسلہ آج بھی جاری رہا، جس کے نتیجے میں مقامی مارکیٹ میں فی تولہ سونا مزید 4 ہزار 200 روپے مہنگا ہوگیا۔

آل پاکستان صرافہ جیولرز ایسوسی ایشن کے مطابق 24 قیراط فی تولہ سونے کی قیمت 4 لاکھ 87 ہزار 136 روپے ہوگئی، جبکہ 10 گرام سونے کی قیمت میں 3 ہزار 601 روپے کا اضافہ ہوا، جس کے بعد اس کی نئی قیمت 4 لاکھ 17 ہزار 640 روپے ہوگئی۔

دوسری جانب عالمی مارکیٹ میں سونا42 ڈالر مہنگا ہو کر 4 ہزار 646 ڈالر فی اونس کا ہو گیا ہے۔