گریجویٹس کیلئے 60 ہزار روپے ماہانہ وظیفے دینے کا اعلان؛ کون اہل ہوگا؟ مکمل طریقہ جان لیں

وزیر اعلیٰ پنجاب مریم نواز نے ویٹرنری شعبے سے وابستہ نوجوانوں کے لیے ایک انٹرن شپ پروگرام کا اعلان کیا ہے۔ اس منصوبے کے تحت صوبے بھر کے ویٹرنری گریجویٹس اور پیراویٹس کو عملی تربیت کے ساتھ مالی معاونت بھی فراہم کی جائے گی۔

حکام کے مطابق اس پروگرام پر مجموعی طور پر 60 کروڑ روپے کی لاگت آئے گی۔ اس اقدام کا مقصد نوجوانوں کو عملی تجربہ فراہم کرنا اور انہیں روزگار کے بہتر مواقع کے لیے تیار کرنا ہے۔

پروگرام کے تحت ویٹرنری گریجویٹس کو ماہانہ 60 ہزار روپے وظیفہ دیا جائے گا جبکہ پیراویٹس کے لیے ماہانہ 40 ہزار روپے وظیفہ مقرر کیا گیا ہے۔ یہ مالی معاونت انٹرن شپ کے دوران دی جائے گی تاکہ نوجوان اپنے اخراجات آسانی سے پورے کر سکیں۔

رپورٹ کے مطابق اس سال ویٹرنری گریجویٹس کے لیے 264 نشستیں مختص کی گئی ہیں جبکہ پیراویٹس کے لیے 371 آسامیوں کا کوٹہ رکھا گیا ہے۔ یہ موقع ملک بھر کے اہل امیدواروں کے لیے اہم سمجھا جا رہا ہے۔

حکومت نے درخواست جمع کروانے کی آخری تاریخ میں بھی توسیع کر دی ہے۔ اب امیدوار 15 مئی 2026 تک اپنی درخواستیں جمع کروا سکتے ہیں۔

درخواست دینے کے لیے امیدواروں کو حکومت پنجاب کی ویب سائٹ www.jobs.punjab.gov.pk

پر جا کر آن لائن فارم مکمل کرنا ہوگا۔ فارم کے ساتھ ضروری دستاویزات بھی اپ لوڈ کرنا لازمی ہے۔