روز نوڈلز کھلانے پر شوہر نے بیوی کو طلاق دیدی

نئی دہلی: بھارتی شہری نے بیوی کو کھانے میں روز نوڈلز دینے پر طلاق دے دی۔

پرنسپل ڈسٹرکٹ اینڈ سیشن عدالت کے جج ایم ایل رگھوناتھ نے طلاق سے متعلق گفتگو کرتے ہوئے بتایا کہ نوڈلز کھلانے پر طلاق کا معاملہ بلاری ڈسٹرکٹ کورٹ میں پیش آیا۔

شوہر نے عدالت کو بتایا کہ اہلیہ کو معلوم ہی نہیں کہ کھانے کیسے بنتے ہیں وہ تو صبح ناشتے، ظہرانے اور رات کے کھانے میں بس نوڈلز ہی دیتی ہے۔

یہ بھی پڑھیں: پلیٹ میں موجود مچھلی کھاتے وقت اچانک زندہ ہوگئی، ویڈیو وائرل

شوہر نے عدالت کو بتایا کہ میری بیوی مارکیٹ گئی اور اشیاء ضروری خریدنے کے بجائے صرف نوڈلز خرید کر لے آئی اور تین اوقات کھانے میں صرف نوڈلز ہی دے رہی ہے۔

میڈیا رپورٹس کے مطابق عدالت کی جانب سے دونوں میاں بیوی کے درمیان مصالحت کی کوشش کی گئی مگر دونوں نے علیحدگی اختیار کرنے پر اتفاق کیا۔