سابق خاتون اوّل بشریٰ بی بی نے ایف آئی اے کے نوٹس کو چیلنج کردیا

لاہور : سابق خاتون اوّل بشریٰ بی بی نے وفاقی تحقیقاتی ادارے کی جانب سے موصول ہونے والے نوٹس کے خلاف لاہور ہائی کورٹ میں درخواست دائر کردی ہے۔ جسٹس طارق سلیم شیخ نے سماعت کی۔

درخواست میں مؤقف اختیار کیا گیا ہے کہ ایف آئی اے نے بے بنیاد الزامات کے تحت انکوائری شروع کی۔ سیاسی بنیادوں پر طلبی کے نوٹس جاری کئے ہیں۔ خدشہ ہے کہ ایف آئی اے درخواست گزار کو گرفتار کرلے گی۔ عدالت ایف آئی اے کے طلبی کے نوٹس کالعدم قرار دے۔

یہ بھی پڑھیں : توشہ خانہ کیس نیب طلبی : عمران خان اور بشریٰ بی بی کا پیش نہ ہونے کا فیصلہ

اسسٹنٹ ایڈووکیٹ جنرل نے عدالت کو بتایا کہ بشریٰ بی بی کیخلاف ایف آئی اے میں مقدمہ درج ہے۔ اس کا جواب وفاق کے وکیل داخل کرائیں گے۔ عدالت نے استفسار کیا کہ ان کے خلاف اینٹی کرپشن میں بھی کوئی معاملہ تھا؟ اے اے جی کا کہنا تھا کہ انٹی کرپشن کی حد تک پورٹ آئندہ سماعت پیش کر دوں گا۔

لاہور ہائیکورٹ نے سابق خاتون اوّل بشری بی بی کی درخواست پر فریقین سے 12 اپریل کو جواب طلب کرلیا۔