پیٹرولیم مصنوعات کی قیمتوں میں 10 سے 15 روپے فی لیٹر کمی کا امکان

اسلام آباد: پیٹرولیم مصنوعات کی قیمتوں میں 10 سے 15 روپے فی لیٹر کمی کا امکان ہے، اوگرا نے پیٹرولیم مصنوعات کی قیمتوں سے متعلق سمری حکومت کو بھجوا دی۔

ذرائع کے مطابق اوگرا نے ڈیزل کی قیمت میں 10 سے 15 روپے فی لیٹر تک کمی کی تجویز دی ہے، جبکہ پیٹرول پر فی لیٹر او سی اے مارجن بھی بڑھایا جا سکتا ہے۔

یہ بھی پڑھیں: پاکستان کی آذربائیجان سے پیٹرولیم مصنوعات ادھار پر لینے کیلئے بات چیت

ذرائع کا کہنا ہے کہ فریٹ مارجن کے متعلق او سی اے کی جانب سے خط بھی لکھا گیا ہے، بجٹ خسارہ پورا کرنے کیلئے پٹرولیم مصنوعات کی قیمتیں برقرار بھی رکھی جا سکتی ہیں۔

ذرائع کے مطابق پیٹرولیم مصنوعات کی قیمتوں میں کمی کا فیصلہ آج متوقع ہے۔