شاہ محمود منتظر ہیں کب عمران خان نااہل ہو اور وہ پارٹی قیادت سنبھالیں: رانا ثنااللہ

اسلام آباد: وزیرداخلہ رانا ثنااللہ کا رہنما پی ٹی آئی شاہ محمود قریشی کے بیان پر ردعمل سامنے آگیا۔

رانا ثنااللہ کا کہنا تھا کہ شاہ محمود منتظر ہیں کب عمران خان نااہل ہو اور وہ پارٹی قیادت سنبھالیں، شاہ محمود سپریم کورٹ کے اکثریتی ججوں کی رائے کی توہین کررہے ہیں۔

یہ بھی پڑھیں: ن لیگ کی قیادت نے عدالت کو دباؤ میں لانے کا فیصلہ کرلیا ہے: شاہ محمود قریشی

ان کا کہنا تھا کہ خاتون جج کو دھمکیاں دینے والے 3ججوں کے حامی و ترجمان بن گئے، جسٹس فائز عیسیٰ کیخلاف جھوٹا ریفرنس دائر کرنے والوں کو شرم آنی چاہیے۔

انہوں نے کہا کہ عمران خان ٹولہ ہمیشہ آئین، انصاف اور عوام کیخلاف کھڑا ہوتا ہے، جج کو گالی، دھمکی دینے والے عدالت کے احترام کا بھاشن دے رہے ہیں۔