سپریم کورٹ میں بھی مسئلہ حل نہ ہوا تو سڑکوں پر آئیں گے : شیخ رشید

اسلام آباد : سابق وزیر داخلہ کا کہنا ہے کہ ادارے اور فوج پوری قوم کے ہیں، فیصلہ اس بلڈنگ نے کرنا ہے، مسئلہ حل نہ ہوا تو سڑکوں پر آئیں گے۔

عوامی مسلم لیگ کے سربراہ شیخ رشید نے سپریم کورٹ کے باہر میڈیا سے گفتگو میں کہا کہ وکلاء اور سارا ملک سپریم کورٹ کے ساتھ کھڑا ہے۔

انہوں نے کہا کہ ایک سال ہو گیا، نواز شریف یہں نہیں آ رہا، سعودی عرب کا مہمان خانہ مانگ رہا ہے۔ اس کا بھائی وزیراعظم ہے اور وہ سعودی مہمان خانے کی بھیک مانگ رہا ہے۔ یہاں تو ان کی ہر قسم کی ڈش اور کک ملے گا۔

یہ بھی پڑھیں : آج ذوالفقار علی بھٹو کا نام نہاد جاں نشیں آئین توڑ رہا ہے : شاہ محمود قریشی

ان کا کہنا تھا کہ یہ آئین اور قانون کی جنگ ہے۔ سپریم کورٹ میں بھی مسئلہ حل نہ ہوا تو سڑکوں پر آئیں گے۔ ادارے اور فوج پوری قوم کے ہیں، فیصلہ اس بلڈنگ نے کرنا ہے۔ لوگوں کی ریڈ لائن عمران خان ہے، میری بھی عمران خان ہے۔ مگر یہ عمارت بھی ہے۔