ریلوے کا عید الفطر کے موقع پر 5 اسپیشل ٹرینیں چلانے کا فیصلہ

لاہور:ریلوے نے عید الفطر کے موقع پر 5 اسپیشل ٹرینیں چلانے کا فیصلہ کیا ہے۔

ریلوے حکام کے مطابق پہلی اسپیشل ٹرین 18 اپریل کو کراچی سے پشاور کے لیے روانہ ہوگی، دوسری اسپیشل ٹرین 18 اپریل کو کوئٹہ سے راولپنڈی کے لیے روانہ ہوگی۔

تیسری اسپیشل ٹرین 19 اپریل کو کراچی سے لاہور کے لیے روانہ ہوگی، چوتھی اسپیشل ٹرین 26اپریل کو راولپنڈی سے کوئٹہ کے لیے روانہ ہوگی، پانچویں اسپیشل ٹرین 27 اپریل کو لاہور سے کراچی کے لیے روانہ ہوگی۔

یہ بھی پڑھیں: مسافر ٹرینیں کراچی تک بحال کرنے کا فیصلہ

ریلوے حکام کا کہنا ہے کہ پاکستان ریلوے 3 ٹرینیں عید سے پہلے اور 2 بعد میں چلائے گا، عید اسپیشل ٹرینوں کا کرایہ معمول کے مطابق ہوگا۔