کے الیکٹرک صارفین کیلئے بجلی 3 روپے 93 پیسے فی یونٹ مہنگی

کراچی : بجلی صارفین کو زور دار جھٹکا دے دیا گیا۔ نیپرا نے بجلی کی قیمت میں 3 روپے 93 پیسے فی یونٹ اضافے کی منظوری دے دی۔

نیپرا نے مارچ کے ایف سی اے کی مد میں محفوظ فیصلہ جاری کر دیا، جس کے تحت بجلی کی قیمت میں 3 روپے 93 پیسے فی یونٹ کے اضافہ کی منظوری دی گئی ہے۔

یہ بھی پڑھیں : کے الیکٹرک صارفین کی بجلی تین ماہ کیلئے 6 روپے فی یونٹ مہنگی

نوٹیفیکیشن کے مطابق کے الیکٹرک نے 4 روپے 49 پیسے فی یونٹ اضافے کی درخواست کی تھی۔ اتھارٹی نے 3 مئی 2023 کو ایف سی اے پر عوامی سماعت کی تھی۔

اس کا اطلاق صرف مئی کے ماہ کے بلوں اور کے الیکٹرک کے تمام صارفین ماسوائے لائف لائن اور الیکٹرک وہیکل چارجنگ اسٹیشنز پر ہوگا۔