پاک فوج کا ایف سی کمپاؤنڈ مسلم باغ میں کلیئرنس آپریشن مکمل، شہری سمیت 7 جوان شہید

اسلام آباد : پاک فوج کا کہنا ہے کہ بلوچستان میں ایف سی کمپاؤنڈ مسلم باغ میں کلیئرنس آپریشن مکمل کرلیا گیا ہے۔

پاک فوج کے شعبہ تعلقات عامہ (آئی ایس پی آر) کے مطابق ایف سی کمپاؤنڈ میں کلیئرنس آپریشن 12 مئی کی شام دہشت گردوں کے ابتدائی حملے کو پسپاء کرنے کے بعد شروع ہوا تھا۔

یہ بھی پڑھیں : عمران خان کی درخواست منظور، توشہ خانہ کیس میں فوجداری کارروائی روک دی گئی

ترجمان نے کہا کہ پیچیدہ کلیئرنس آپریشن میں ایک رہائشی عمارت سے تین خاندانوں سمیت یرغمالیوں کو بحفظات بچانا شامل تھا۔ دہشت گردوں نے اپنے خوفناک حملے سے بچوں کو بھی نہیں بخشا۔

ترجمان کا کہنا تھا کہ کلیئرنس آپریشن کے دوران ایک شہری سمیت 7 جوان شہید، جبکہ ایک خاتون سمیت 6 افراد زخمی ہوئے۔