پاک افواج عظیم ہے، ن لیگ کی نمائشی ریلیوں کی محتاج نہیں: شیخ رشید

راولپنڈی: شیخ رشید کا کہنا ہے کہ پاک افواج عظیم ہے، ن لیگ کی نمائشی ریلیوں کی محتاج نہیں، سپریم کورٹ پر حملہ کرنا ن لیگ کو وراثت میں ملا ہے۔

سابق وزیر داخلہ شیخ رشید کا اپنے ایک ٹوئٹر بیان میں کہنا تھا کہ سنگین معاشی بحران میں پی ٹی آئی پر پابندی لگانا آسان نہیں ہوگا، سپریم کورٹ پر حملہ کرنا ن لیگ کو وراثت میں ملا ہے۔

یہ بھی پڑھیں: مسلم لیگ ن کا آج سے جلسوں اور ریلیوں کا اعلان

شیخ رشید کا کہنا تھا کہ حساس اداروں کی عمارتوں پر حملوں کی تحقیقات ہونی چاہیے، پاک افواج عظیم ہے، ن لیگ کی نمائشی ریلیوں کی محتاج نہیں۔

ان کا کہنا تھا کہ کل سے فائنل راؤنڈ شروع ہے، دو چار ہفتوں میں فیصلہ ہوجائے گا، الیکشن ہوں گے آگ اورخون کی سیاست ختم ہوکر رہے گی۔