سی ٹی ڈی کی انٹیلی جنس بیسڈ کارروائی، 4 دہشتگرد گرفتار

لاہور: سی ٹی ڈی نے انٹیلی جنس بیسڈ کارروائی کرتے ہوئے 4 دہشت گردوں گرفتار کرلیا، کارروائی سرگودھا، راولپنڈی اور گوجرنوالہ میں کی گئی۔

سی ٹی ڈی حکام کے مطابق دہشت گردوں کا تعلق کالعدم داعش اور ٹی ٹی پی سے ہے، دہشت گردوں سے بارودی مواد، خودکش جیکٹ بنانے کا سامان برآمد ہوا ہے۔

یہ بھی پڑھیں: سی ٹی ڈی کی لاہور سمیت پنجاب کے کئی شہروں میں کارروائیاں، 11 دہشت گرد گرفتار

سی ٹی ڈی حکام نے کہا کہ دہشت گردوں کے خلاف مقدمات درج کردیے گئے ہیں اور تفتیش جاری ہے۔

حکام کا کہنا ہے کہ رواں ہفتے 248 کومبنگ آپریشنز میں 51 مشتبہ افراد گرفتار کیے، دہشت گردی کے ناسور کو جڑ سے اکھاڑ پھینکیں گے۔