نگراں وزیر اعظم انوار الحق کاکڑ امریکا کے 5روزہ دورے پر روانہ

نگراں وزیر اعظم انوار الحق کاکڑ 5 روزہ دورے پر امریکا روانہ ہوگئے۔

ذرائع کے مطابق نگراں وزیر اعظم انوار الحق کاکڑ 22 ستمبر کو اقوامِ متحدہ جنرل اسمبلی کے 78ویں اجلاس سے خطاب کریں گے۔

حکام دفترخارجہ کے مطابق 19 ستمبر کو ایس ڈی جی سمٹ اور مختلف ڈائیلاگ کا انعقاد ہوگا، وزیر اعظم کی 20 ستمبر کو کلائمٹ ایمیشن سمٹ میں بھی شرکت کا امکان ہے جبکہ 20 ستمبر کو ہی پینڈیمک پریوینشن پراجلاس میں بھی وہ شرکت کریں گے۔

حکام دفترخارجہ کے مطابق انوارالحق کاکڑ 20 ستمبرکو ایک مالی کانفرنس میں بھی جی 77 اور مالی وسائل پر بات کریں گے۔

اس دوران وزیرخارجہ جلیل عباس جیلانی بھی وزیراعظم کے ہمراہ ہوں گے۔

 یہ پڑھیں :  ذاتی خواہش ہے میرے خلاف کیسز کو منطقی انجام تک پہنچایا جائے: نگراں وزیراعظم