ورلڈکپ 2023 کی افتتاحی تقریب میں کون کون سے فنکار جلوہ گر ہوں گے؟

احمد آباد: آئی سی سی ورلڈکپ 2023 کی افتتاحی تقریب 4 اکتوبر کو نریندر مودی کرکٹ اسٹیڈیم میں ہوگی۔

بھارت میں شیڈول آئی سی سی کرکٹ ورلڈکپ 2023 کا باقاعدہ آغاز 5 اکتوبر سے دفاعی چیمپئین انگلینڈ اور نیوزی لینڈ کے درمیان میچ سے ہوگا، دونوں ٹیمیں احمد آباد کے نریندر مودی کرکٹ اسٹیڈیم میں مدمقابل آئیں گی۔

رنگا رنگ افتتاحی تقریب بھارت کے مقامی وقت کے مطابق شام ساڑھے 6 بجے شروع ہوگی، جس میں بالی ووڈ کے نامور گلوکار اپنی آواز کا جادو جگائیں گے جبکہ رنویر سنگھ بھی اس تقریب میں جلوہ گر ہوں گے۔

یہ بھی پڑھیں: آئی سی سی نے ورلڈکپ 2023 کا آفیشل ترانہ ریلیز کردیا

Cricket World Cup 2023 Opening Ceremony preparations at Narendra Modi Stadium, Ahmedabad late night. pic.twitter.com/z6DBqqnkdE

— Baljeet Singh (@ImTheBaljeet) September 27, 2023

ان کے علاوہ شریا گھوشال، اریجیت سنگھ، اور لیجنڈری گلوکارہ آشا بھوسلے بھی اپنی پرفارمنس کا مظاہرہ کریں گی۔

تقریب کا انعقاد کیپٹنز ڈے کے بعد کیا جائے گا جس میں تمام ٹیموں کے کپتان شرکت کریں گے تاہم ورلڈکپ کے افتتاحی میچ کے ٹکٹ ہولڈرز شائقین رنگا رنگ تقریب سے محظوظ ہوسکیں گے۔

افتتاحی تقریب کے دوران بھارت کے روایتی ورثوں کی بھی جھلک دیکھائی جائے گی جبکہ آتش بازی کا بھی مظاہرہ ہوگا۔