حکومت کی بجلی کمپنیوں کے افسران کیلئے مفت بجلی سہولت ختم کرنے کی تیاری

اسلام آباد: وفاقی حکومت نے بجلی کمپنیوں کے افسران کیلئے مفت بجلی سہولت ختم کرنے کی تیاری کرلی۔

ذرائع کے مطابق گریڈ 17 سے گریڈ 21 کے افسران کو ماہانہ مفت یونٹس کی فراہمی بند کرنے کی سفارش کی گئی ہے۔

ذرائع کا کہنا ہے کہ کابینہ کمیٹی برائے توانائی پاور ڈویژن کی سمری پر کل حتمی منظوری دے گی، مفت یونٹس کی سہولت ختم کرنے سے سالانہ 6 ارب روپے سے زائد بچت ہوگی۔

یہ بھی پڑھیں: مسلم لیگ ن کی سابق رکن اسمبلی رخسانہ کوثر بجلی چوری کرتی پکڑی گئیں

ذرائع کے مطابق گریڈ 16 تک کے ملازمین کو فی الوقت مفت بجلی کی سہولت جاری رہے گی۔

ذرائع کا کہنا ہے کہ ہر ماہ بچ جانے والے مفت یونٹس اگلے مہینوں میں شامل کردئیے جاتے ہیں جس کی وزارت خزانہ نے مفت یونٹس اور موناٹائزیشن دونوں کی مخالفت کی ہے۔