نوازشریف وطن واپسی پر ملکی ترقی کا ایجنڈا دیں گے: مریم اورنگزیب

لاہور: مریم اورنگزیب کا کہنا ہے کہ ملکی ترقی کا نسخہ صرف نوازشریف کے پاس ہے، نوازشریف وطن واپسی پر ملکی ترقی کا ایجنڈا دیں گے۔

رہنما مسلم لیگ ن مریم اورنگزیب کا میڈیا سے گفتگو کرتے ہوئے کہنا تھا کہ چیئرمین پی ٹی آئی نے سیاسی مخالفین پر جھوٹے مقدمات بنائے، ہم آج بھی جھوٹے مقدمات میں پیش ہورہے ہیں۔

یہ بھی پڑھیں: نوازشریف آرہا ہے، معاشی بحالی کا حل بھی ساتھ لارہا ہے: مریم نواز

مریم اورنگزیب کا کہنا تھا کہ 16 ماہ میں شہبازشریف نے ملک کو ڈیفالٹ ہونے سے بچایا، پی ٹی آئی دور میں مہنگائی کی شرح بلند ترین سطح پر تھی۔

انہوں نے کہا کہ نوازشریف جب اقتدار میں آئے تو مہنگائی کا خاتمہ ہوا، ملکی ترقی کا نسخہ صرف نوازشریف کے پاس ہے، نوازشریف وطن واپسی پر ملکی ترقی کا ایجنڈا دیں گے۔