ملٹری ٹرائل کیس؛ سپریم کورٹ کا فیصلہ دہشتگردی کو فائدہ پہنچائے گا: عرفان صدیقی

اسلام آباد: سینیٹر عرفان صدیقی کا کہنا ہے کہ ملٹری ٹرائل کیس فیصلے کی کوئی منطق سمجھ نہیں آرہی ہے، فیصلہ دہشتگردی کو فائدہ پہنچاتا ہے، اس فیصلے سے شرپسند عناصر کو فائدہ پہنچے گا۔

رہنما مسلم لیگ ن عرفان صدیقی کا جی ٹی وی کے پروگرام "جی فار غریدہ” میں گفتگو کرتے ہوئے کہنا تھا کہ آج کا فیصلہ پارلیمنٹ کی بالادستی پر سوال ہے، چند گھنٹوں کی سماعت کے بعد فیصلہ صادر کردیا گیا، ایسا لگتا ہے فیصلہ پہلے سے ذہن میں تھا۔

سینیٹر عرفان صدیقی کا کہنا تھا کہ ملٹری ٹرائل کیس فیصلے کی کوئی منطق سمجھ نہیں آرہی ہے، فیصلہ دہشتگردی کو فائدہ پہنچاتا ہے، اس فیصلے سے شرپسند عناصر کو فائدہ پہنچے گا۔

یہ بھی پڑھیں: ٹرائل کو کالعدم قرار دینا وقت کی اہم ضرورت کے منافی ہے: فردوس عاشق اعوان

ان کا کہنا تھا کہ نواز شریف نے تین ادوار میں سوا نو سال حکومت کی ہے، نواز شریف نے زیادہ سال جلاوطنی میں کاٹے ہیں، نواز شریف کو کبھی حکومت پوری کرنے نہیں دی گئی۔

انہوں نے کہا کہ پیپلزپارٹی کے ساتھ کوئی تلخی پیدا کرنا نہیں چاہتا، پیپلزپارٹی کی ایک تاریخ ہے سہولت کاری، ڈیل لینے کی۔