فلسطین 70 سال سے اپنی زندہ دلی اور اسرائیل پر احسان کی قیمت چُکا رہا ہے: گوہر خان

ممبئی: گوہر خان کا کہنا ہے کہ فلسطین گزشتہ 70 سال سے اپنی اُس زندہ دلی اور احسان کی قیمت چُکا رہا ہے جو اُنہوں نے اسرائیل پر کیا تھا۔

معروف بھارتی اداکارہ گوہر خان نے اپنے آفیشل انسٹاگرام اکاؤنٹ پر اسٹوری میں کہا کہ فلسطین میں مسلسل 19 دن سے اسرائیلی فوج کی بمباری جاری ہے جس کے نتیجے میں غزہ تباہ ہوگیا ہے جبکہ بچوں اور خواتین سمیت 5000 سے زائد فلسطینی شہید ہوگئے ہیں۔

انہوں نے کہا کہ ابھی تک دنیا کا کوئی سُپر پاور ملک اور اقوام متحدہ غزہ میں جنگ روکنے میں کامیاب نہپں ہوا اور نہ ہی کسی ملک نے اسرائیل کو فلسطین کی نسل کشی روکنے پر مجبور کیا ہے۔

یہ بھی پڑھیں: بھارتی حکومت کی اسرائیل کی حمایت کے باوجود سونم فلسطین کے حق میں بول پڑیں

اداکارہ نے فلسطین کے لیے دُعا کرتے ہوئے کہا کہ یارب! معصوم جانوں، اُن کے گھروں، روزی روٹی پر رحم فرما، اُن پر جاری ظلم و ستم کو ختم کردے۔

گوہر خان کا کہنا تھا کہ فلسطین گزشتہ 70 سال سے اپنی اُس زندہ دلی اور احسان کی قیمت چُکا رہا ہے جو اُنہوں نے اسرائیل پر کیا تھا۔