ویڈیو: اسرائیل کی بربریت، فلسطینی حمایتی نے احتجاجاً میک ڈونلڈز میں چوہے چھوڑ دیے

برمنگھم: فلسطین کے حمایتی ایک شخص نے برطانیہ کے شہر برمنگھم میں موجود میکڈونلڈز میں احتجاجاً فلسطینی پرچم کے رنگ والے چوہے چھوڑ دیے۔

سوشل میڈیا پر شیئر کی گئی ویڈیو میں دیکھا جاسکتا ہے کہ وہ شخص اسرائیل مخالف نعرے لگا رہا ہے، جب کہ پینٹ شدہ چوہے میکڈونلڈز میں گھوم رہے تھے۔

یہ بھی پڑھیں: پاکستان اور بنگلادیش کے میچ میں فلسطین کا جھنڈا لہرا دیا گیا

میکڈونلڈزنے اس واقعے کی تصدیق کرتے ہوئے کہا کہ ریسٹورینٹ کو مکمل طور پر سینیٹائز کردیا گیا تھا، اور کیڑوں پر قابو پانے کے ماہرین کو معائنہ کرنے کے لیے بلایا گیا تھا۔

Palestinian activist throws live mice covered in the colors of the Palestinian flag into a McDonald’s in the UK.

McDonald’s has been a target of pro-Palestinian activists as the restaurant chain has been giving free meals to IDF soldiers.

pic.twitter.com/c4pCRKty1D

— Oli London (@OliLondonTV) October 30, 2023

جانوروں کے حقوق کا گروپ Viva! نے مذکورہ شخص کے اس عمل پر پریشانی کا اظہار کرتے ہوئے کہا کہ اس شخص نے مشرق وسطیٰ کے تنازعے سے متعلق سیاسی بحث میں مثبت کردار ادا نہیں کیا۔

یاد رہے کہ اسرائیلی افواج کو مفت کھانا فراہم کرنے کے اعلان پر سوشل میڈیا پر ’بائیکاٹ میکڈونلڈ‘ ٹرینڈ بھی چل رہا ہے۔