اداکارہ اشنا شاہ عرفان پٹھان کی حمایت میں سامنے آگئیں

کراچی: معروف پاکستانی اداکارہ اُشنا شاہ سابق بھارتی کرکٹر عرفان پٹھان کی حمایت میں بول پڑیں۔

عرفان پٹھان نے سماجی رابطے کی ویب سائٹ ایکس پر فلسطین کے حق میں ایک پوسٹ کی جس میں انہوں نے کہا کہ ‘غزہ میں روزانہ نومولود سے لیکر 10 سال کی عُمر کے معصوم بچے اپنی جانیں گنوا رہے ہیں اور پوری دُنیا خاموش ہے’۔

سابق بھارتی کرکٹر کا کہنا تھا کہ ‘بطورِ کھلاڑی میں صرف اپنی آواز ہی بُلند کرسکتا ہوں لیکن اب وقت آگیا ہے کہ غزہ کے لیے عالمی رہنما متحد ہو جائیں اور غزہ میں ہونے والے بے ہودہ قتل کو ختم کریں’۔

Every day, innocent kids aged 0-10 in Gaza are losing lives and the world remains silent. As a sportsman, I can only speak out, but it's high time for world leaders to unite and put an end to this senseless killing. @UN #StopTheViolence #GazaChildren

— Irfan Pathan (@IrfanPathan) November 3, 2023

یہ بھی پڑھیں: پاکستان کے بعد سری لنکا کیخلاف بھی افغانستان کی جیت، عرفان پٹھان کے رقص کی ویڈیو وائرل

عرفان پٹھان کی پوسٹ کو ری ٹویٹ کرتے ہوئے اداکارہ اُشنا شاہ نے اُن کی حمایت کی۔

Spine of steel my brother https://t.co/k3zOqQ19RX

— Ushna Shah (@ushnashah) November 3, 2023

اُشنا شاہ نے عرفان پٹھان کو سراہاتے ہوئے کہا کہ ‘میرے بھائی! آپ کو سلام’۔

واضح رہے کہ غزہ پر اسرائیل کے حملوں میں اب تک 3 ہزار سے زائد بچوں سمیت 9 ہزار سے زائد فلسطینی شہید ہوگئے ہیں۔