دفعہ 144 کی خلاف ورزی کیس؛ فواد چودھری کی حاضری سے استثنیٰ کی درخواست منظور

اسلام آباد: ڈسٹرکٹ اینڈ سیشن کورٹ نے دفعہ 144 کی خلاف ورزی کیس میں فواد چودھری کی حاضری سے استثنیٰ کی درخواست منظور کرلی۔

فواد چودھری کے وکیل ایڈووکیٹ قمر عنایت نے حاضری سے استثنیٰ کی درخواست دائر کی۔

درخواست میں کہا گیا ہے کہ فواد چودھری اڈیالہ جیل میں جوڈیشل ریمانڈ پر ہیں، عدالت پیش نہیں ہو سکتے۔

یہ بھی پڑھیں: رشوت لینے اور سیاسی اثرورسوخ کا الزام، نیب نے فواد چودھری کو طلب کرلیا

تاہم عدالت نے فوادچودھری کی حاضری سے استثنیٰ کی درخواست منظور کرلی۔

عدالت نے درخواست ضمانت قبل از گرفتاری پر سماعت 23 نومبر تک ملتوی کردی۔