شاہ رخ خان نے اپنی نئی فلم کا نام ’ ڈنکی ‘ رکھنے کی وجہ بتادی

بھارتی سپر اسٹار شاہ رخ خان نے اپنی نئی فلم کا نام ’ ڈنکی ‘ رکھنے کی وجہ بتادی۔

شاہ رخ خان کی اس فلم کا نام کافی منفرد ہے جس کی وجہ سے ان کے مداح نے سماجی رابطے کے پلیٹ فارم ایکس پر شاہ رخ سے فلم کا نام ’ ڈنکی ‘ رکھنے کی وجہ پوچھی۔

اس سوال کے جواب میں انہوں نے کہا کہ ’’غیر قانونی طریقے سے سرحد پار کرنے کو ڈنکی کہا جاتا ہے اور اسے فنکی، ہنکی اور منکی طرح پڑھا جاتا ہے‘‘۔

Dunki is a way of describing an illegal journey across borders. It is pronounced डंकी. It’s pronounced like Funky…Hunky….or yeah Monkey!!! https://t.co/t0Et738SEk

— Shah Rukh Khan (@iamsrk) November 22, 2023

خیال رہے کہ شاہ رخ ان دنوں اپنی نئی آنے والی فلم ’ ڈنکی ‘ کی تیاریوں میں مصروف ہیں جو اکیس دسمبر کو ریلیز ہوگی، فلم میں شاہ رخ خان کے ساتھ دھرمیندر، وکی کوشل، بومن ایرانی، تاپسی پنو سمیت دیگر اداکار شامل ہیں۔

یہ بھی پڑھیں: شاہ رخ خان ایک سال میں ہزار کروڑ کی 2 فلمیں دینے والے پہلے اداکار بن گئے

ڈنکی میں غیر قانونی طریقے سے بیرون ملک جانے کے مسلئے کو موضوع بنایا گیا ہے اور فلم کی کہانی پانچ دوستوں کے گرد گھومتی ہے جو برطانیہ جانے کے خواہشمند ہوتے ہیں۔