ایف بی آر نے ملک بھر میں پی آئی اے کے اکاؤنٹس منجمد کردیے

اسلام آباد : پی آئی اے کی مشکلات میں ایک بار پھر اضافہ ہوگیا، ایف بی آر نے ملک بھر میں پی آئی اے کے اکاؤنٹس منجمد کردیے۔

ذرائع ایف بی آر کے مطابق پی آئی اے کو مجموعی طور پر ساڑھے 4 ارب کی ادائیگی کرنی ہے، پی آئی اے نے فروری سے لیکر اب تک ریٹرنز بھی فائل نہیں کی ہے۔

یہ بھی پڑھیں: ایف آئی اے کی تحقیقات، پی آئی اے میں 113 ملازمین کی تعلیمی اسناد جعلی ثابت

ذرائع ایف بی آر کا کہنا ہے کہ ٹریبونل کے آرڈر پر فوری طور پر 2 ارب 70 کروڑ روپے کی وصولی کرنی ہے۔

ذرائع ایف بی آر نے بتایا کہ ادائیگی نہ ہونے پر اکاؤنٹس منجمد کردیے گئے ہیں، دورے کے موقع پر اکاؤنٹس منجمد ملکی مفادات کے منافی ہے۔