8 فروری کو انتخابات کروانے کے تمام انتظامات مکمل کرلیے ہیں: الیکشن کمیشن

اسلام آباد: الیکشن کمیشن کا کہنا ہے کہ 8 فروری کو الیکشن کروانے کے تمام انتظامات مکمل کرلیے ہیں۔

ایک بیان میں الیکشن کمیشن کا کہنا تھا کہ چیئرمین پی ٹی آئی کے الزامات عوام کو گمراہ کرنے کی ناکام کوشش ہے, پی ٹی آئی نے ڈی آر اوز اور آراوز کے تقرر کو چیلنج کیا، جلد ہی اس پر آئندہ کا لائحہ عمل طے کیاجائے گا، ڈی آراوز،آراوز کا تقرر اور تربیت بھی شروع کردی تھی۔

الیکشن کمیشن نے کہا کہ الیکشن کمیشن کو موجودہ صورتحال کاذمہ دار ٹھہرایا نہیں جاسکتا۔

یہ بھی پڑھیں: عام انتخابات ایگزیکٹیو سے کروانے کا الیکشن کمیشن کانوٹیفکیشن معطل

اس کے علاوہ ترجمان الیکشن کمیشن نے ایک بیان میں کہا ہے کہ الیکشن کمیشن شفاف انتخابات کے انعقاد کے حوالے سے جامع منصوبے پر عمل پیرا ہے، انتخابات کے انعقاد کے حوالے سے تمام اہداف کو بروقت مکمل کیا جا رہا ہے۔