رہنما پی ٹی آئی حلیم عادل شیخ کے کاغذات نامزدگی مسترد

کراچی: پاکستان تحریک انصاف کے رہنما حلیم عادل شیخ کے کاغذات نامزدگی مسترد کردیے گئے۔

ترجمان حلیم عادل کے مطابق پی ٹی آئی رہنما نے کراچی کے این اے 238 پر فارم جمع کرایا تھا، تاہم الیکشن کمیشن کی جانب سے ان کے کاغذات نامزدگی مسترد کردیے گئے ہیں۔

یہ بھی پڑھیں: بلاول بھٹو کے حلقہ این اے 194 لاڑکانہ سے کاغذات نامزدگی منظور

حلیم عادل شیخ کے وکیل کا کہنا ہے کہ ریٹرنگ افسر نے زبانی بتایا کہ حلیم عادل شیخ پر 9 مئی کے واقعات کا الزام ہے۔

ترجمان حلیم عادل شیخ کے مطابق الیکشن کمیشن کا فیصلہ غیر قانونی ہے، عدالت میں چیلنج کریں گے، ہمیں عدالتوں سے انصاف کی امید ہے۔